Republika y’u Rwanda Intara y’Iburengerazuba Akarere ka Rusizi

Intangiriro

Ibi ni ibisabanuro bigufi birebana n’amahoro yakirwa n’inzego zibanze nkuko biteganywa, iteka rya Perezida N°25/01 ryo kuwa 09/07/2012, rishyiraho urutonde kandi rigena ibipimo ntarengwa by’amahoro n’andi mafaranga yakirwa n’inzego z’ibanze.

1.   Amahoro

1.1  Amahoro yakwa ku bukode bw’ubutaka

1.2  Amahoro yakwa kuri serivisi z’ubutaka (ibibanza)

1.3  Amahoro yakwa ku mirimo y’ubutegesti yerekeranye n’umutungo utimukanwa.

1.4  Amahoro ku isuku rusange

1.5  Amahoro ku byapa byamamaza iminara y’itumanaho na banderole.

1.6 Amahoro kuri parking

1.7 Amahoro y’isoko

1.8 Amahoro yakwa kuri serivisi zitangwa na leta

1.1 Amahoro yakwa ku bukode bw’ubutaka

Amahoro yakwa k’ubukode bw’ubutaka ubwo aribwo bwose ariko hakurikijwe icyo bwagenewe gukoreshwa, ayo mahoro mu karere ka Rusizi, ibipimo byayo byigwa kandi bikemezwa n’Inama Njyanama y’Akarere.

Ibyo bipimo byemezwa hashingiye ku miterere y’aho ubwo butaka buherereye ndetse n’ibikorwa remezo bihari. Ayo mahoro kandi ashyirwaho hagendewe  ku rwego rw’Imidugudu y’Akarere. Ayo mahoro yishyurwa buri mwaka agahera taliki ya mbere  (01) y’ukwezi kwa mbere (01) k’umwaka wishyurirwa akageza taliki ya 31 Ukuboza (12) k’umwaka wishyurirwa.

Hashingiwe ku masezerano y’imikoranire hagati y’Akarere ka Rusizi na RRA yo kuwa 23/07/2015, avugako Imisoro n’amahoro by’Akarere bizajya byakirwa na RRA maze amafaranga yinjiye akoherezwa kuri konti y’Akarere, bityo ubu abasora bakeneye ubufasha mu imenyekanisha bagana ahari ibiro bya RRA mu karere biri aha hakurikira ku murenge wa Kamembe; Muganza,Giheke,Mururu,Rwimbogo, ku Karere ka Rusizi no ku murenge wa Nyakabuye,abakozi bakorera aha bakurikirana n’indi mirenge yose. Mu kwishyura hakoreshwa ikoranabuhanga ryabugenewe aho buri wese yinjira ku rubuga rwa RRA arirwo www.rra.gov.rw  Muburyo bwo gukomeza kunoza serivisi zo kwishyura kandi, uwishyura amahoro y’ubukode bw’ubutaka byarorohejwe kuburyo ashobora no kubikorera kuri telefoni ye igendanwa byose akoresheje gusa*800# ubundi ugakurikiza ibyanditse. Nyuma y’Imenyekanisha uhabwa inimero ibigaragaza ndetse iyo numero niyo witwaza ujya kwishyura bitewe naho wahisemo mu imenyekanisha ryawe.

Usora wamaze kubona numero yo kwishyuriraho ashobora kwishyura akoresheje uburyo bukurikira

Bank; Mobile Money cyangwa Mobicash

1.2 Amahoro yakwa kuri serivisi z’ubutaka (ibibanza)

Amahoro yakwa kuri serivisi z’ubutaka arizo: Ihererekanya ry’Umutungo no Kwandikisha ubutaka

1.3             Amahoro yakwa ku mirimo y’ubutegesti yerekeranye n’umutungo utimukanwa.

Amahoro yakwa ku mirimo y’ubutegesti yerekeranye n’umutungo utimukanwa ni Gushyira umukono kunyandiko z’ubutaka, Gutanga impushya zo kubaka, Gutanga impushya za burundu, ingwate n’ibindi

·      Ibihano

      Igihe amahoro atishyuwe cyangwa yakarerewe, usora ahanishwa ihazabu ingana n’icumi ku ijana (10%) by’amafaranga yagombaga kwishyura hiyongereyeho inyungu z’ubukererwe zingana na 1,5% kuri buri kwezi kw’ubucyererwe.

1.4 Amahoro ku isuku rusange

Ibikorwa by’isuku rusange mu karere hose bikorwa hifashishujwe amafaranga akomoka ku mahoro yakwa isuku. Amahoro y’isuku yishyurwa ni amafaranga ari hagati y’ibihumbi bitatu (3,000frw) n’ibihumbi cumi (10,000frw) ku kwezi.

1.5 Amahoro ku byapa byamamaza iminara, itumanaho na banderole.

Icyapa cyishyuzwa amafaranga  atarenze 20,000fr kuri metero kare ku mwaka;  gushinga icyapa cyamamaza, Umunara cyangwa banderole babisabira uburenganzira ku buyobozi bw’Akarere. Umunara wishyuzwa 2000f/m y’uburerebure, Banderole, yishyuzwa amafaranga atarenze 10,000frw ku munsi;Ibyapa byamamaza ku buryo bwa elekitroniki byishyura amafaranga 80,000frw ku mwaka. (Aya mahoro yose yishyurwa rimwe mu mwaka)

1.6 Amahoro kuri pariking

Ni amahoro yishyurwa n’ikinyabiziga mu gihe yinjiye muri pariking.Hishyurwa :   amafaranga hagati ya 100 na 3000 ku isaha bitewe n’ikinyabiziga.

Amafaranga hagati ya 10000 na 20000 ku kwezi bitewe n’ikinyabiziga

1.7 Amahoro y’isoko

Aya mahoro  ni amafaranga atangwa n’umucuruzi ucururiza mu isoko runaka , akemezwa n’Inama Njyanama y’Akarere bitewe n’ubunini bw’ahacururizwa n’aho isoko riherereye.

1.8 Amahoro yakwa kuri serivisi zitangwa na leta

Aya ni amafaranga atangwa ku byemezo n’impapuro bitangwa na leta n’inyandiko zishyirwaho umukono na noteri.

IBIHANO 

Iyo nyiri kibanza kiri mu bukode atishyuye amahoro buri mwaka wishyurirwa yishyura ubukode hiyongeraho intuburamusoro ingana na 10% ku gaciro ku bukode bwa buri mwakaariko atarenga 10000 hiyongereyeho inyungu z’ubukererwe zingana na 1.5%  kuri buri kwezi k’ubukererwe.

Aho imisoro n’amahoro byishyurirwa

Nyuma yo gukora imenyekanisha (Declaration) ukoresheje murandasi cyangwa interneti uhabwa umubare (Token Number) ukawujyana muri  banki kuri konti za RRA –Rusizi District,  zikurikira:

B KIGALI    RRA //    00040-0636219-29

B. POPULAIRE RRA  //    496-3806297-11

Ku bindi bisobanuro birebana n’ibikubiye muri akagatabo wakwegera ibiro bya RRA bishinzwe kwakira imisoro n’amahoro biherereye aha hakurikira:

ü Ku cyicaro cya RRA (Headoffice) giherereye mu murenge wa Kamembe                       0788858243

KANDA HANO USURE URUBUGA RW'IKIGO CY'IGIHUGU CY'IMISORO N'AMAHORO UBONE AMAKURU MENSHI YEREKEYE IMISORO MU RWANDA

KANDA HANO USURE URUBUGA IREMBO RWISHYURIRWAHO SERIVISI N'ANDI MAHORO

KANDA HANO USOME URWUNGE RW'AMATEGEKO Y'IMISORO AKORESHWA MU RWANDA