UBUHINZI MU KARERE KA RUSIZI

 

Mu karere  ka Rusizi hakorwa ubuhinzi ku bihingwa  ngandurarugo bitandukanye cyane  ibigori,ibishyimbo,umuceri ,soya ,imyumbati .

Ibi bihingwa usanga hari  bimwe byera mu  mirenge yose ( ibigori ,ibishyimbo,imyumbati)  ndetse n’ibindi biba mu mirenge imwe n’imwe nka soya ( Nkombo,Bugarama,Gikundamvura ,Muganza ,Nyakabuye na Gitambi) n’umuceri dusanga mu mirenge ya Bugarama,Muganza,Gikundamvura,Nyakabuye,Nkanka,Giheke na Gihundwe.

Ubu buhinzi bukorerwa ku buso bwa ha 29,424   bugakorwa  n’abahinzi  bari mu ngo 68,688.

Ubu buhinzi bukorwa mu buryo bwo guhuza ubutaka ( LUC) aho bishoboka bahinga igihingwa kimwe  mu bihingwa byatoranijwe biberanye n’Akarere ku buso bunini (CIP) ,gahunda  yatangijwe muri 2008 nk’uko bigaragara mu itegeko ry’Ubutaka  NO 08/2005  ryo kuwa  14 /07 /2005 .

Muri ubu buhinzi kandi mu rwego rwo kongera umusaruro hakoreshwa inyongeramusaruro  zitandukanye ( Ifumbire mvaruganda,imbuto,imiti) nk’uko bigararaga  muri  EDPRS 2.

Mu rwego rwo kubungabunga no gufata neza umusaruro w’ibigori hubatswe ubwanikiro bw’ibigori 13 mu mirenge ya Bugarama , Muganza , Gikundamvura  na Nkanka hagamijwe kugabanya umusaruro watakaraga mu gihe cy’isarura no kwanika ndetse no kongera ubwiza bw’umusaruro.